नसुर्ताउनु म त तिम्रै… (गीत) – शब्द लहर, अँक ४० – प्रविण टण्डन

 

    

  

   

             गीत

 

जतिबेला तिम्रा, आँखाबाट पर हुन्छु

नसुर्ताउनु म त तिम्रै, वरपर हुन्छु

 

सम्झेर ‘नि मनको तृष्णा, मेटाउन सक्छौ

हर स्वासमा तिमीले मलाई, भेटाउन सक्छौ

 

तिमी हुनु पीपलु रूख, म त बर हुन्छु

नसुर्ताउनु म त तिम्रै, वरपर हुन्छु

 

सपनीमा तिमीबाट, अँगालिंदाखेरि

झस्किएर विपनीमा, सम्हालिंदाखेरि

 

यादमा तिम्रै हराएको, आठै प्रहर हुन्छु

नसुर्ताउनु म त तिम्रै, वरपर हुन्छु

 

एक्लोपनले एक्लो मनलाई, दु:खी पारीराख्छ

सम्झनाले सम्बन्धलाई, सँधै जारी राख्छ

 

पर्खिएको तिमीलाई, कल्पनाको शहर हुन्छु

नसुर्ताउनु म त तिम्रै, वरपर हुन्छु

 

पूरा कहाँ हुन्छ सारा, जिन्दगीका इच्छा

पूरा हुँदा जिन्दगीले, दिन्छ यहीं शिक्षा

 

फैल तिमी सागर झैं, म त लहर हुन्छु

नसुर्ताउनु म त तिम्रै, वरपर हुन्छु

नसुर्ताउनु म त तिम्रै, वरपर हुन्छु …

 ********************************************************************

• प्रविण टण्डन “वसन्तप्रवीण”

         सुझाव/प्रतिक्रियाका लागि: basantaprabin@gmail.com