अन्तर्राष्ट्रिय क्रिकेट काउन्सिलले अस्ट्रेलियाका क्रिकेट टोलीका कप्तान स्टीभ स्मिथलाई क्रिकेटर अफ द इयर र टेस्ट क्रिकेटर अफ द इयर घोषणा गरेको छ । सर गारफिल्ड सोबर्स ट्रफी हात पार्ने उनी चौंथो खेलाडी बनेका छन् । यसअघि रिकी पोन्टिङ, मिचेल जोन्सन र माइकल क्लर्कले यो उपाधि पाएका थिए । २६ वर्षीय स्मिथको कप्तानीमा अस्ट्रेलियाले विश्वकप जितेको थियो जसमा उनले ४ सय २ रन बनाएका थिए । उनले ८२.५७ को औसतमा १३ टेस्टमा १,७३४ रन बनाए । दक्षिण अफ्रिकी कप्तान एबी डिभेलियर्स लगातार दोस्रो पटक वर्षको उत्कृष्ट एकदिवसीय खेलाडी बनेका छन् । महिलातर्फ अस्ट्रेलियाकै कप्तान मेग ल्यानिङ वर्षकी उत्कृष्ट महिला एकदिवसीय क्रिकेटर घोषित भएकी छिन् । इंग्लिस कप्तान रिचार्ड केटलबर्ग वर्षको उत्कृष्ट अम्पायर घोषित भए ।
