रमेश अधिकारी/असनेपाल न्युज
असार २०, पोखरा, पोखराको अर्मलामा पोहोर भ्वाङ परेको घटना नसेलाउदै पोखरा उपमहानगरपलिका वडा नं. ९ नयाँवजारमा पनि जमिन भासिन थालेको छ । लगातारको बर्षातका कारण सो ठाँउमा रहेको नव प्रभात माध्यमिक विद्यालयको दक्षिणपट्टीको भूभाग भासिन थालेको हो ।
जमिन भासिन लागेपिछ सो स्थानमा रहेका करिव ३८ घर परिवार उच्च जाखिममा परेका छन् भने ६ घरमा क्षति पुगेको छ । घरका भित्ताहरु चर्किनुका साथै कतिपय घरभित्र समेत भ्वाङ परेको छ । राति सुतिरहेका समयमा जमिन भासिएकोले घरमा डराई डराई रातभर जागाराम बस्नुपरेको स्थानीयबासीको भनाई छ । वडा नं. ९ का सचिव लोकदर्शन कोईरालाले वस्तीमा मानिसहरु रोएको देखेपछि सोधपुछ गर्दा जमिन भासिएको बिषयमा जानकारी पाएको वताउनुभयो । आफुले भासिएको ठाउ हेरे लगत्तै प्रकोप रोकथाम गर्न सम्वन्धित ठाउमा पहल गरेको समेत वहाँले उल्लेख गर्नुभयो ।
जमिन भासिन शुरू भएपछि विद्यालय र आसपासका मानव वस्ती जोखिममा परेको नवप्रभात विद्यालयका शिक्षक ढाकामोहन बरालको भनाई छ । बेलैमा जमिन भासिन नराेके सो स्थानमा दुर्घटनाको जोखिम बढ्ने अवस्था रहेको छ ।
