एजेन्सी- रुसी फाैजको पक्षमा आफूले तालिम दिएको सेना लड्न सक्ने भन्दै जर्मनीले चिन्ता व्यक्त गरेको छ। जर्मनीले अबदेखि कहिल्यै पनि मालीमा हुने युरोपेली संघ (ईयू) को सैन्य तालिम मिसनमा सहभागी नहुने बताएको छ। जर्मनीले आफूले त्यहाँ तालिम दिएका सेनाले रुसी फौजको पक्षमा लड्न सक्ने चिन्ता व्यक्त गरेको छ । रुसी फाैजको पक्षमा आफूले तालिम दिएको सेना लड्न सक्ने भनेर जर्मनीले चिन्ता व्यक्त गर्दै आफुलाई यो कुराले निकै नरमाइलो लाएको बताएको छ।
सन् २०१३ देखि मालीमा ईयूकाे सैनिक तालिम मिसन सुरु भएको थियो । रुसी फौजले त्यहाँ हत्या हिंसा फैलाइरहेको आशंका गरिएको छ । गत महिना ह्युमन राइट्स वाचले जिहादी विरुद्धको विशेष कारबाहीको दौरानमा मालीको फौजले रुसी लडाकुहरुसँग मिलेर करिब तीन सय सर्वसाधारण पुरुषलाई मृत्युदण्ड दिएको आरोप लगाएको थियो ।
माली सरकारले रुसी फौजसँग सहकार्य गर्ने निर्णय गरेपछि पछिल्ला दुईवटा सैनिक विद्रोह यता बामाकोस्थित सैनिक शासक र पश्चिमी मुलुकहरू बीचको सम्बन्ध चिसिन थालेको छ ।
