दक्षिण अफ्रिका : पूर्वी दक्षिण अफ्रिकामा आएको अत्यधिक तवरले बाढी आइरहेको छ । त्यहाँ भीषण बाढीका कारण अहिलेसम्म तीन सयभन्दा बढी ब्यक्तिहरुको मृत्यु भएको समाचार आएको छ । चार दिनदेखि त्यहाँ निरन्तर वर्षा भइरहेको छ । सबैभन्दा धेरै विनाश क्वाजुलु – नाताल प्रान्तको डरबन क्षेत्रमा भएको छ , जुन देशको तेस्रो धेरै जनसंख्या भएको शहर हो । यहाँ केही मानिस भाग्यले बाँचेर निस्किए पनि उनीहरुसँग अरु केही बाँकी छैन । हराएका मानिसको खोजी कार्य भइरहेको छ । बाढी आएको क्षेत्रमा पानी , खाना , बिजुली लगायतका आवश्यक सामग्रीको अभाव भएको छ । दक्षिण अफ्रिकाका राष्ट्रपति सिरिल रामाफोसा हिजो सो क्षेत्रको अनुगमनमा गएका थिए । उनले यो विनाशले जलवायु परिवर्तनसँग जुध्न अहिले कति महत्त्वपूर्ण छ भन्ने देखाएको साथै बाढी अत्यधिक गएको स्थानहरुमा उच्च सतर्कता अपनाउनु पर्ने छ भनेर उहाँले बताए ।
