आर्सनललाई १४ औं पटक एफ ए कप फुटबलको उपाधि

काठमाण्डौ । एफ ए कप फुटबलमा आर्सनलले चेल्सीलाई २-१ गाेलले हराउँदै उपाधि हात पारेको छ ।

राति भएको खेलमा चेल्सीलाई २-१ गाेलले हराउँदै आर्सनलले १४ औं पटक एफ ए कप फुटबलको उपाधि जितेर कीर्तिमान बनाएको छ ।

खेलको ५ औं मिनेटमै लिएको अग्रता जोगाउन नसक्दा चेल्सी उप-विजेतामा सीमित भयो ।

चेल्सीका क्रिस्टियन पुलिसिचले खेलको ५ औं मिनेटमै गोल गर्दै अग्रता दिलाए । तर २८ औं मिनेटमा पाएको पेनाल्टीको फाइदा उठाउँदै आर्सनलका पियर इम्रिक औबामियाङले खेल १-१ को बराबरी गरे ।

७३ औं मिनेटमा रातो कार्ड पाएर मार्टियो कोभासिच मैदानबाट निस्किएपछि चेल्सी १० खेलाडीमा सीमित भयो ।

त्यसपछि ६७ औं मिनेटमा औबामियाङले फेरि गोल गरेपछि खेल २-१ ले आर्सनलको पक्षमा पारे ।

सम्बन्धित शिर्षकहरु