काठमाडौं । यस वर्ष नेपालमा मनसुन सुरु भएदेखि हालसम्मको अवधिमा १ सय १३ जनाको ज्यान गएको छ ।
असारको अन्तिमबाट सुरु भएको मनसुनका कारण विभिन्न २८ जिल्लामा गएको बाढी र पहिरोमा ११३ जनाले ज्यान गुमाएका हुन् ।
बाढी र पहिरोमा परी हालसम्म विभिन्न जिल्लामा भएका घटनामा १०३ जना घाइते छन् भने ४५ जना बेपत्ता भएका छन् ।
बेपत्ताको खोजी कार्य जारी राखिएको केन्द्रीय प्रहरीको तथ्याङकले जनाएको छ ।
प्रहरीका अनुसार खोज तथा उद्दारमा नेपाली सेना, नेपाल प्रहरी र सशस्त्र प्रहरीको टाेली खटिएको छ ।
प्रहरीका अनुसार हालसम्म मनसुनजन्य विपदबाट सबैभन्दा बढी म्याग्दीमा २८ जनाको मृत्यु भएको छ भने जाजरकोटमा १२, तनहुँमा ११ र कास्कीमा १० जनको मृत्यु भएको छ ।
