अस्ट्रेलियाको पूर्वीय राज्यहरुको आम चुनाव अन्तर्गत मतदान सकिएको छ । निर्वाचन सकिए लगत्तै कसको पक्षमा जनमत आउने हो भन्ने विभिन्न अड्कलबाजीसमेत सुरु भएको छ ।
चुनावी परिणामको प्रारम्भिक अड्कलबाजी भइरहेकै वेला लिबरल पार्टीका प्रमुख मालकम ट्रनबुल र अर्कोतर्फ लेबर पार्टीका प्रमुख बिल सोर्टन दुबैले परिणाम आफ्नो पक्षमा आउने दाबी गरेका छन् ।
शनिबारको मतदानमा भोट खसाल्न मतदाताहरू घण्टौंसम्म लाइन बस्नु परेको बताइएको छ ।
दुबै पार्टीका प्रमुखहरुमध्ये लिबरल प्रमुख ट्रनबुलले डबल बे पब्लीक स्कुल बुथ वेन्टवर्थमा आफ्नो मतदान गरेका थिए भने लेबर प्रमुख सोर्टनले मेलबर्नको मरिबेरर्नोगबाट मतदान गरे । पछिल्ले मत आंकलका परिणामहरुले लेबर र लिबरलका बीचमा कडा प्रतिस्पर्धा हुने देखाएको छ भने स्वतन्त्र र साना दलहरुको समर्थनमा बहुमत पुर्याउनुपर्ने अवस्थाको आंकलन गरिएको छ ।
