नेपालले उपविजेतामै चित्त बुझायो

canभदौ १७। काठमाडौँ,  मलेसियामा जारी एसिसी यू–१९ प्रिमियर लिग क्रिकेटको च्याम्पियन बन्न मलेसिया र अफगानिस्तानबीच भएको खेलको नतिजा पर्खेको नेपालले अन्ततः उपविजेतामै सीमित बन्नुप¥यो ।

अन्तिम खेलमा अफगानिस्तानले मलेसियालाई ७ विकेटले पराजित गरेसँगै नेपाल उपविजेतामा सीमित बनेको हो । मलेसियाले प्रस्तुत गरेको १०६ रनको लक्ष्य २१।३ ओभरमा मात्र तीन विकेट गुमाएर पूरा गर्दै अफगानिस्तान च्याम्पियन बनेको हो ।

आज बिहान भएको अन्तिम खेलमा साउदी अरेबियामाथि नौ विकेटको फराकिलो जित हात पारे पनि नेपाल उपविजेतामै सीमित बन्यो । च्याम्पियन अफगानिस्तानले जारी प्रतियोगितामा सबै खेल जितेको छ ।

सबै खेल जितेको अफगानिस्तान १० अङ्कसहित च्याम्पियन बनेको हो । समान खेलबाट आठ अङ्कमात्र जोडेको नेपाल उपविजेता बनेको छ । अफगानिस्तानसँग व्यहोरेको १० विकेटको हार नै नेपाललाई च्याम्पियन बन्न बाधक बन्यो ।

अन्तिम खेलमा मलेसियाले अफगानिस्तानलाई हराएको भए नेपाल च्याम्पियन बन्ने थियो । नेपालले संयुक्त अरब इमिरेट्स ९युएई०, मलेसिया, कुबेत र साउदी अरेबियालाई पराजित गरे पनि अफगानिस्तानसँग १० विकेटले पराजित भएको थियो ।

सम्बन्धित शिर्षकहरु