काठमाडौ, यो शैक्षिक सत्र अन्तरगतको कक्षा १२ को परीक्षा २०७९ साल जेठ १६ गतेदेखि संचालन हुने भएको छ । आज शुक्रबार बसेको राष्ट्रिय परीक्षा बोर्डको बैठकले आगामी २०७९ जेठ १६ गतेदेखि परीक्षा संचालन गर्ने निर्णय गरेको अध्यक्ष महाश्रम शर्माले जानकारी दिएका छन । गएका दुई बर्षमा कोभिड का कारण परिक्षामा निकै अप्ठ्यारो स्थिति सिर्जना भएको थियो । जसको कारण संबंधित विद्यालयले नै परिक्षा लिएको थियो । यो बर्ष भने अनलाइनबाट प्रश्नपत्र पठाएर तोकिएका परीक्षा केन्द्रमा नै परीक्षा संचालन गर्ने बोर्ड तयारी गरिरहेको छ । गत दुई वर्ष कोभिडका कारण होमसेन्टरमा नै परीक्षा संचालन गरिएको थियो । यो सालमा भने राष्ट्रिय परिक्षा बोर्डले तोकेको केन्द्रहरुमा नै परिक्षा हुने व्यहोरा संबंधित सबैमा जानकारी गरिएको छ। [Ausnepalnews:]
