नागरिकता विधेयकमा सहमति जुट्ने संभावना

काठमाडौं । अंगीकृत नागरिकता दिने सम्बन्धमा विवादित रहदै आएको नागरिकता विधेयकमा सहमति जुटाउन सरकारलाई पाँच दिनको समय थपिएको छ ।
प्रतिनिधि सभाको राज्य व्यवस्था तथा सुशासन समितिले मंगलबार सरकारलाई समय दिएको हो ।

बुधबार बसेको बैठकमा सहमति जुटाउन गृहमन्त्री रामबहादुर थापाले थिए सोही अनुसार समितिले समय थपिदिएको थियो ।

नेपाली नागरिकसँग विवाह गर्ने विदेशी महिलालाई अंगीकृत नागरिकता दिने सम्बन्धमा विवाद हुँदा करिब २ वर्ष यता यो विधेयक रोकिएको छ ।

समितिमा मंगलबारबाट पुनः सुरु भएको छलफलमा नेपाली नागरिकसँग विवाह गरी आउने विदेशी महिलालाई ७ वर्ष पछि मात्र अंगीकृत नागरिकता दिने र त्यसअघि आर्थिक, सामाजिक र सांस्कृतिक अधिकार उपभोग गर्न पाउने गरी स्थायी आवासीय अनुमति पत्र दिने प्रस्ताव पेश भएको थियो । तर नेपाली कांग्रेसका सांसदहरुले थप छलफल गर्न समय मागेपछि बैठक आज (बुधबार)का लागि सारिएको थियो ।

सांसदहरुबीच सहमति जुटन नसकेपछि गृहमन्त्री थापाले राजनीतिक तहमा सहमति जुटाउन समय मागेका थिए । समिति सभापति शशी श्रेष्ठले चालु अधिवेशनबाट नै विधेयक पास गर्नका लागि जसरी भएपनि पाँचदिन भित्रमा सहमति जुटाएर आउन गृहमन्त्री थापालाइ समय दिएको बताइन ।

‘यसको गाम्भिर्यतालाई लिएर छलफल चलाउने हो भने एक दिन पनि काफि हुन्छ भन्ने लाग्दछ ।’ उनले भनिन ‘सम्भव भएसम्म भोलिपर्सि नै पाँच दिन भित्रमा यसलाई टुंगो लगाउने र यदि हाउस छिटो टुङ्गिने भएको खण्डमा त्यो भन्दा अगाडि पनि हुनु पर्दछ ।’

गृहमन्त्री रामबहादुर थापाले जारी अधिवेसनमा पठाउने गरी राजनीतिक तहमा सहमति जुटाउन समय मागेका थिए । ‘छिटो भन्दा छिटो सकेसम्म यहि सत्र भित्र प्रस्तुत गर्ने ढंगले नै गर्ने कुरा हुन्छ । ’ उनले भने ‘ यही सत्रमा ल्याउने हो विधेयकलाई ।’

बैठकमा कांग्रेस सांसद दिलेन्द्रप्रसाद बडुले नागरिकताको विषयमा उच्च राजनीतिक नेतृत्वबीच नै सहमतिको आवस्यकता रहेको बताए ।

सम्बन्धित शिर्षकहरु