काठमाडौं । केहिदिन यता मौसममा सुधार आएको छ । आज देशभर मौसम सामान्यतया सफा रहने भएतापनि पहाही भूभागमा अपरान्ह पछि आंशिक बदलिको संभावना रहेको मौसम पुर्वामान महाशाखाले जनाएको छ ।
महाशाखाका अनुसार पहाडी भूभागका एकरदुई स्थानमा मेघगर्जनसहित क्षणिक हल्का वर्षाको सम्भावना रहेको छ । त्यसैगरी रातिको समयमा देशको पूर्वी पहाडी भुभागमा आंशिक बदलि रही बाँकी भूभागमा सामान्यतया सफा रहने देखिन्छ ।
पूर्वी पहाडि भेगका एक दुई स्थानमा मेघगर्जन सहित क्षणिक हल्का वर्षाको संभावना छ ।
आज (बिहीबार) दिउँसो पानी पर्ने सम्भावना भएपनि हावाहुरी तथा अन्य मौसमी प्रकोपको कुनै सम्भावना नहरहेको पूर्वानुमान महाशाखाले जनाएको छ ।
हेर्नुहोस् महाशाखाले जारी गरेको ३ दिन मौसमको पूर्वानुमान
बैशाख २६ गते (बिहीबार):
दिउँसोः देशभर मौसम सामन्यतया सफा रहनेछ तथापि पहाडि भू-भागमा अपरान्ह पछि आंशिक बदलिको सम्भावना छ । पहाडी भू-भागका एक/दुई स्थानमा मेघ गर्जन सहित क्षणिक हल्का वर्षाको सम्भावना छ ।
राति: देशको पूर्वी पहाडी भु-भागमा आंशिक बदलि रही बाँकि भू-भागमा सामान्यतया सफा रहने देखिन्छ। पूर्वी पहाडि भेगका एक दुई स्थानमा मेघ गर्जन सहित क्षणिक हल्का वर्षाको संभावना छ ।
बैशाख २७ गते (शुक्रवार):
दिउँसो: देशको पूर्वी पहाडी भेग लगायत मध्य र पश्चिमि भू-भागमा आंशिक देखि सामान्य बदलिको सम्भावना छ भने बाँकी भागहरुमा मौसम सामान्यतया सफा रहने सम्भावना छ। पहाडी भू-भागका थोरै स्थानमा मेघ गर्जन सहित क्षणिक हल्का वर्षाको सम्भावना छ ।
राति: देशको पूर्वी पहाडी भेग लगायत मध्य र पश्चिमि भू-भागमा आंशिक बदलिको संभावना छ भने बाँकी भागहरुमा मौसम सामान्यतया सफा रहने संभावना छ। पहाडी भू-भागका एक दुई स्थानमा मेघ गर्जन सहित क्षणिक हल्का वर्षाको सम्भावना रहेको छ ।
बैशाख २८ गते (शनिवार):
दिउँसो: पूर्वी तथा मध्य भेग लगायत पश्चिमि पहाडी भू-भागमा आंशिक देखि सामान्य बदलि र बाँकी भागहरुमा आंशिक बदलिको सम्भावना छ । पहाडी भू-भागका केही स्थानमा मेघ गर्जन सहित क्षणिक हल्का वर्षाको सम्भावना छ ।
राति: पूर्वी भेग लगायत मध्य र पश्चिमि पहाडी भू-भागमा आंशिक बदलि र बाँकी भागहरुमा सामान्यतया सफा देखि आंशिक बदलि सम्म रहने सम्भावना छ । पहाडी भू-भागका थोरै स्थानमा मेघ गर्जन सहित क्षणिक हल्का वर्षाको सम्भावना छ ।
