नेपाल र लाओसबीचको खेल जारी, लाइभ खेल हेर्नुहोस्

काठमाडौं । एएफसी सोलिडारिटी कप फुटबलको पहिलो सेमिफाइनल खेल अन्तरगत नेपाल र लाओसबीचको जारी छ । यो समाचार तयार पार्दासम्म दुवैले एक एक गोलको बराबरी खेलिरहेका छन् । पहिलो हाफमा एक शून्यले पछि परेको नेपालले दोस्रो हाफको सुरुमै बराबरी गोल फर्काएको हो ।
नेपाल र लाओसबीचको खेल कुचिङस्थित सारावाक रंगशालामा जारी छ । पहिलो सेमिफाइनलमा विजयी हुने टोलीले फाइनलमा मकाउ र ब्रुनाइबीचको बिजेतासँग खेल्नेछ । नेपाल समूह एको बिजेता बन्दै सेमिफाइनलमा पुगेको हो भने लाओस समूह बिको उपविजेता बन्दै सेमिफाइनलमा पुगेको हो ।
नेपाल र लाओस दोस्रो पटक आमनेसामने भएका हुन् । नेपाल र लाओसले गत मेमा पहिलोपटक अन्तर्राष्ट्रिय खेल खेलेका थिए । जसमा नेपालले आफूभन्दा माथिल्लो बरियताको लाओसलाई १–१ गोलको बराबरीमा रोकेको थियो ।
हाल फिफा बरियतामा लाओस १७५ औं स्थानमा छ भने नेपाल १८६ औं स्थानमा छ ।

सम्बन्धित शिर्षकहरु