पोखरा २३ भदौ । कास्की जिल्लाको लेखनाथ नगरपालिकामा पहिरोले दुई वटा घर पुर्दा ४ बालबालिकाको मृत्यु भएको छ ।
लेखनाथ ४ खरानी फाँटमा पहिरोले घर पुरिँदा ४ बालबालिकाको मृत्यु भएको हो ।
मृत्यु हुनेमा १४ वर्षका निसान सुनार, १० वर्षका रजिना सुनार, ८ वर्षका अन्जीला सुनार र ४ वर्षका सल्मान सुनार रहेका छन् ।
प्रहरीका अनुसार पहिरो आएको थाहा पाए पछि भाग्ने क्रममा माया सुनार र चन्द्रकला सुनार घाइते भएका छन् ।
त्यसै गरि लेखनाथ ६ सुनपदेलीमा पहिरोले घर पुरिँदा २ जना घाइते भएका छन् ।
पहिरो आएपछि घरका ठूला मान्छेले भागेर ज्यान जोगाएका हुन् । तर साना बालबालिका पहिरो नआएको ठाउँ पत्ता लगाएर समयमै भाग्न नसक्दा उनिहरुको मृत्यु भएको देखिएको प्रहरीले बताएको छ ।








