नेपालले कुबेतलाई ८३ रनले हरायो

kuwaitभदौ  १५ । काठमाडौँ, उन्नाइस (यु–१९) वर्षमुनिको एसिसी प्रिमियर लिग क्रिकेटमा नेपालले कुबेतलाई ८३ रनले पराजित गरेको छ ।

मलेसियामा जारी प्रतियोगितामा  कुवेतले नेपालले दिएको २५१ को चुनौती पछ्याउने क्रममा पूरै ओभर खेल्दा ९ विकेट गुमाउँदै एक सय ६७ रन मात्र जोड्न सक्यो ।  टस जितेर पहिले ब्याटिङ गरेको नेपालले पूरै ओभर खेल्दै ८ विकेटको क्षतिमा २५० रनको स्कोर बनाउएको थियो । नेपालको सुरुवात राम्रो नभए पनि मध्यक्रममा ब्याट्सम्यान सम्हालिएपछि सम्मानजनक स्कोर बनेको थियो ।

नेपालका लागि सौरभ खनाल र दीपेन्द्रसिंह ऐरीले १३० रनको महत्वपूर्ण साझेदारी गरेका थिए । त्यस्तै दीपेन्द्रले ९ चौका र २ छक्काको मद्दतमा सर्वा्धिक ८५ रन बनाउँदा सौरभले ५ चौका र १ छक्काको मद्दतमा ७३ रन जोडे ।

त्यस्तै, प्रेम तामाङले २३, कप्तान राजु रिजाल १५, सुनिल धमलाले ११, शङ्कर रानाले ८, आशिष धामी ४ रन बनाउँदा आरिफ शेख र राजवीर सिंहले भने खातासमेत खोल्न सकेनन् ।

प्रतियोगितामा नेपालको यो चौथो खेल हो । चार खेलमध्ये नेपालले तीन जित हात पारेको छ भने एक खेलमा मात्र हार ब्यहोरेको छ ।

सम्बन्धित शिर्षकहरु