चितवन, कृषिमन्त्री हरि पराजुलीले तोकिएको समयमा संविधान निर्माण गराउन अधिकतम् लचकताका साथ सहमतिको प्रयास गरिने बताउनु भएको छ ।
दसैँको टीकाका लागि गृह जिल्ला आउनुभएका उहाँले मुलुकको सङ्क्रमणकाललाई लम्ब्याउन नहुने बताउनु भयो ।
शुक्रबार चितवनमा संचारकर्मीसँग कुरा गर्दै यस्तो बताउनुभएको हो ।
उहाँले विगतका सहमतिअनुसार दलहरू अघि बढ्नुपर्ने बताउनुभयो ।
मन्त्री पराजुलीले मुलुकका कृषिको विकास अपरिहार्य भएको भन्दै संविधान जारी नहुँदा धेरै विकासका कार्यक्रममा अवरोध पुगेको बताउनुभयो ।
