सिड्नी। डान्स ईन्डीया डान्स लिटिल माष्टरकी विजेता नेपाली छोरी तेरिया मगर सहितको एक कलाकार टोलि सिड्नीमा आउने भएको छ । आयोजक मध्येकि एक ममता काफ्लेका अनुसार सो कार्यक्रम हर्टस्भिलको थिएटरमा सम्पन्न हुनेछ ।लुम्बिन्नी कपिलवस्तु दिवस अभियान समेतको सहयोग रहने सो कार्यक्रममा एघार वर्षीय तेरियाले आफ्नो प्रतिभा देखाउने छिन्। उनले गत जुन २१ मा भारतीय टेलिभिजन जीटीभीको प्रसिद्ध शो डान्स ईन्डीया डान्स शोको तेस्रो संस्करण आफ्नो कब्जामा पारेकी थिइन् । उनलाई नेपालबाट ६० लाख ले र अन्य देश बाट करोड भन्दा बढी ले भोट दिएका थिए । विजेता बनेपछि आफु सोनाक्षी सिन्हाजस्तै बन्न चाहेको प्रतिक्रिया दिने तेरिया मगरको नेपालमा राष्ट्रपति यादव समेतले भव्य स्वागत गरेका थिए । सिड्नीमा तेरिया मगरको लाईभ डान्स कार्यक्रमको कनेक्ट नेपालले गरेको शरद खरेल असनेपालअन्युजलाई बताउंछन । तेरियाका साथमा हाँस्य कलाकार जीतु नेपाल मुन्द्रे हुनेछन् भने गायक रामजी खाँडले पनि साथ दिनेछन् । अगष्ट ३ तारिखमा हर्ट्सभिलको मराना अडिटोरियममा कार्यक्रम गरिने जानकारी आयोजकले दिएका छन् । कार्यक्रमको टिकट दर ३० डलर रहने जनाएको छ। पछील्लो दिनमा नेपाल बाट चर्चित कलाकारलाई निमन्त्रणा दीई अस्ट्रेलियाका विभिन्न स्थानमा कार्यक्रम सन्चालन गर्ने प्रकृया केही महिना देखि अगाडि बड्दै गएको छ।
