असार ९ । हुम्ला,हावाई सेवा बन्द भएका कारण जिल्ला अस्पतालले नेपालगञ्ज रिफर गरेका ९ महिनाका नारायण शाहीको मृत्यु भएको छ । सिमकोटको यातायतको एकमात्र माध्यम हवाई सेवा सुचारु हुन नसक्दा लामो समय देखि निमोनिया र रुगाखोकीले ग्रस्त भएका राया गाविस वडानं २ निवासी कल्पना शाहीका ९ महिनाका छोरा नारायण शाहीको मृत्यु भएको हो । बालक शाहीको जिल्ला बाहिर ल्याउन नसक्दा उनको जिल्ला अस्पतालमै ज्यान गएको जिल्ला अस्पताल स्रोतले जनाएको छ । लामोसमय बिरामी परेपछि सिमकोटमा भएको निजि अस्पाताल हिड नेपाल र जिल्ला अस्पतालमा उपचार गराएपनि निको नभएर आइतबार विहान साढे १० बजे तिर उत्तः वालकको ज्यान गएको हो । असार ४ गते विरामी आफ्नो छोरालाई उपचार गर्न हिड नेपालमा उपचार गर्न लगेपनि उपचार नभए पछि जिल्ला अष्पतालमा रिफर गरिएको मृतककी आमा कल्पना शाहीले जानकारी दिनुभयो । जिल्ला अस्पतालमा पनि बालकको उपचार हुन नसके पछि जिल्ला बाहिर रिफर गरिकोले हवाइ यातायात नचलेका कारण आप्mनो छोराको ज्यान गएको शाहीले बताउनु भएको छ । जिल्ला अस्पतालले अनेक प्रयास गरेपनि जिल्लाममै उपचार हुने संभावना नभएपछि जिल्ला बाहीर रिफर गरिएको भएपनि जहाज नचलेका कारण वालकको ज्यान गएको जिल्ला स्वास्थ्य कार्यलकी स्टार्फनर्स ज्योती हमालले जानकारी गराउनु भयो ।
