काठमाडौं । कैलालीको धनगढी उपमहानगरपालिका प्रमुखमा स्वतन्त्र उम्मेदवार गोपाल हमाल विजयी भएका छन् ।
गठबन्धनका उम्मेदवार रहेका नेपाली कांग्रेसका नृपबहादुर वडलाई हराउँदै मेयरमा विजयी भएका हुन् ।
हमाल १२ हजारभन्दा बढी मतान्तरका साथ मेयरमा विजयी भए । अघिल्लो निर्वाचनमा उनी वडसँग २ हजार ७९७ मतले पराजित भएका थिए । ०७४ को निर्वाचनमा हमालले ११ हजार ५२७ मत प्राप्त गरेका थिए ।
यसपालि उपमहानगरपालिकाको उपप्रमुखमा नेकपा एमालेकी उम्मेदवार कन्दकला राना निर्वाचित भएकी छन् ।
उनी गठबन्धनको तर्फबाट उम्मेदवार बनेकी माओवादीकी शान्ति अधिकारीलाई पराजित गर्दै उपमेयरमा निर्वाचित भएकी हुन् ।
