आज आइतबारका दिन डा.शङ्कर शर्मा भारत लागि नेपालकाे आवासीय राजदूतमा नियुक्त हुनुभएकाे छ । राष्ट्रपति विद्यादेवी भण्डारीले आज आइतवार शर्मालाई भारतकाे राजदूतमा नियुक्त गर्नु भएको छ। नेपालको संविधानको धारा २८२ अनुसार मन्त्रिपरिषद्को सिफारिसमा राष्ट्रपति भण्डारीले उहाँलाई आज राजदूतमा नियुक्त गर्नुभएको हो । मन्त्रिपरिषद्को गएकाे मङ्सिर १० गतेको बैठकले शर्मालाई भारतका लागि नेपाली राजदूतमा सिफारिस गरेको थियो । यसअघि उहाँ संयुक्त राज्य अमेरिकाका लागि नेपालको आवासीय राजदूत हुनुहुन्थ्यो । उहाँलाई आज भारतका निम्ति नेपाली राजदुतमा नियुक्त गरिएको छ। [Ausnepalnews:Kathmandu]
