काठमाडौं । सर्वोच्च अदालतले भुवन विश्वविद्यालयअन्तर्गत चिकित्सा शिक्षण संस्थान (आइओएम) र पाटन स्वास्थ्य विज्ञान प्रतिष्ठानको एमबिबिएसको प्रवेश परीक्षा तत्काल रोक्न अन्तिरिम आदेश दिएको छ । आयुष ओझासमेतले चिकित्सा शिक्षा ऐनविपरीत प्रवेश परीक्षा लिन लागेको भन्दै रिट हालेका थिए। उक्त रिटमा सुनुवाइ गर्दै भोलिका लागि तय भएको एमबिबिएसको प्रवेश परीक्षा सर्वोच्चले शुक्रबार रोक्न निर्देशन दिएको हो ।
न्यायाधीश तेजबहादुर केसीको एकल इजलासले दुबै पक्षलाई राखेर छलफल गर्नुपर्ने भएकोले तत्काल परीक्षा रोक्न अन्तरिम आदेश दिएको हो। सर्वोच्चले भदौ २५ गते छलफलका लागि दुबै पक्षलाई बोलाएको छ।
‘भोलि (शनिबार) एमबिबिएस तहको परीक्षा सञ्चालन नगरी सर्वोच्च अदालत नियमावली २०७४ को नियम ४९ (२) (ख) बमोजिम तत्कालै यथास्थितिमा राखी छलफलको निम्ति भदौ २५ गते आउनु भनी प्रत्यर्थीहरूलाई म्याद सूचना जारी छलफलको लागि पेशीको सूचना महान्यायाधीवक्ताको कार्यालयलाई समेत दिई उपस्थित भए वा गुजारेपछि नियमानुसार गर्नू,’ आदेशमा भनिएको छ।








