साउन ३२, काठमार्डौ । निर्वाचन आयोगका पदाधिकारीहरूले सिंहदरवार स्थित प्रधानमन्त्री शेरबहादुर देउवालाई भेटी दुर्इवटै निर्वाचन एकैचरणमा गर्न नसकिने जानकारी गराएका छन् । भेटमा उपप्रधान तथा संघीय मामिला तथा स्थानीय विकास मन्त्री विजयकुमार गच्छदार, मुख्य सचिव राजेन्द्रकिशोर क्षेत्री, प्रधानमन्त्री कार्यालयका सचिवको समेत उपस्थिति थियो । निर्वाचनको लागि समय कम हुँदै गएको र व्यवस्थापन गर्नको लागि आवश्यक पर्ने ऐन तथा निर्वाचन क्षेत्र निर्धारण आयोगको प्रतिवेदन प्राप्त नभैसकेको अवस्थामा दुई वटै निर्वाचन सञ्चालन गर्न कठिनाई हुने प्रमुख निर्वाचन आयुक्त यादवले बताएका छन् । मुख्य तीन दलका शीर्ष नेताहरुसँग छलफल गरी निर्वाचनको मिति सम्बन्धमा उचित निर्णय लिइने प्रधानमन्त्री देउवाले बताएका छन् ।
