असार ४ । काठमाडाैँ, धुलिखेल क्याम्पस परीक्षा केन्द्रमा पोखरीनारायणस्थान माविका रोमिश लामाको नाममा कक्षा ११ को अंग्रेजी विषयको परीक्षा दिइरहेका ज्ञानकुञ्ज उच्च माविका अरुण केसीलाई प्रहरीले पक्राउ गरेको हो । केसी ज्ञानकुञ्जबाट कक्षा ११ को परीक्षामा नियमित सहभागी छन् भने लामा अघिल्लो वर्ष अंग्रेजी विषयमा अनुत्तीर्ण भएका थिए । प्रवेशपत्रमा फोटो नमिलेपछि क्याम्पस प्रशासने केसीलाई प्रहरीको जिम्मा लगाएको थियो । केन्द्राध्यक्ष तथा क्याम्पस प्रमुख सागर तिवारीले लामालाई निस्कासन गर्न राष्ट्रिय परीक्षा बोर्डमा लेखी पठाउने जनाएका छन् । थप अनुसन्धान अघि बढाईएको जिल्ला प्रहरी कार्यलयका डिएसपी नवीनराज राईले बताउनुभएको छ ।
