कुबेत दुर्घटनामा निधन भएका ६ जनामध्ये चार नेपालीको पहिचान

कुबेत । कुबेतमा निर्माण सम्बन्धी काम गर्दागर्दै वालुवाले पुरिएर मृत्यु भएका ६ जना मध्ये ४ जनाको पहिचान खुलेको छ ।

कुवेतस्थित नेपाली दूतावासका अनुसार दुई जना नेपालीको भने पहिचान भइसकेको छैन । ढल निर्माण सम्बन्धी काम गरिरहेको समयमा बालुवाको ढिस्कोले पुरिएर ६ जना नेपाली कामदारको मृत्यु भएको थियो । अन्य दुई जना नेपाली कामदार घाइते छन् ।

दूतावासका अनुसार ज्यान जाने नेपालीमा पाल्पाका एकबहादुर गाहा, सिराहाका गंगाराम चौधरी, ताप्लेजुङका बसन्त गुरुङ र दाङका श्याम नारायण चौधरी छन् । धर्मेन्द्र कुमार शाह र मनोरथ मण्डल घाइते छन् ।

उनीहरुको उपचार भइरहेको छ । मण्डलको अवस्था सामान्य रहेको बताइएको छ ।

नेपाली कामदार कुवेतस्थित युनिभर्सल लिडर्स ट्रेडिङ एण्ड जनरल कन्ट्र्याक्टिङ कम्पनी (डब्लुएलएल) मार्फत् अल मुत्ला सिटी प्रोजेक्टमा कार्यरत थिए । यो चिनियाँ कम्पनी हो ।

सम्बन्धित शिर्षकहरु