जाँदा जाँदै ओलीका सात प्रश्न

साउन  १०। काठमाडौं, प्रधानमन्त्री ओलीले संसदमा संबोधन गर्दै बन्दै गरेको नयाँ सरकारलाई सात प्रश्न गरेका छन् । आजको नयाँ पत्रिका दैनिकमा खबर प्रकाशित छ ।

यस्ता छन् ओलीका सात प्रश्न :

१. सरकारले आफैँले बनाउने गरी बजेट छुट्याएको, काठमाडौं–निजगढ फास्ट ट्र्याकको भविष्य के हुन्छ ?
२. केरुङ–काठमाडौं–पोखरा–लुम्बिनी रेलसेवा के गर्नुहुन्छ ?
३. वर्षौँदेखि अलपत्र तराईको हुलाकी राजमार्गलाई फेरि पुरानै नियतिमा फर्काउनुहुन्छ कि ?
४. दुई वर्षमा ऊर्जा र कृषिमा आधारभूत रूपमा आत्मनिर्भरता सम्भव तुल्याउने योजनालाई के गर्नुहुन्छ ?
५. समृद्ध तराई निर्माण गर्न सिँचाइ, सदरमुकाममा पूर्वाधार विकासलगायत महŒवपूर्ण योजनालाई के गर्नुहुन्छ ?
६. ज्येष्ठ नागरिक, एकल महिला, अपांगता भएका व्यक्ति, दलित, लोपोन्मुख र अल्पसंख्यक समुदायको सामाजिक सुरक्षाका कार्यक्रम के गर्नुहुन्छ ?
७. शैक्षिक प्रमाणपत्र धितो राखेर युवा विद्यार्थीलाई ऋण दिने योजनालाई के गर्नुहुन्छ ?