डलर १ कापी र कलम परियोजनाका अभियन्त यूवा उपसंयोजक कृष्ण गिरीले प्रवासमा जन्मे हुर्केका बालबालिकाहरुको नेपाल प्रतिको संबन्धलाई प्रगाढ बनाउंदै नेपाली सँस्कृति, सम्पदाको बारेमा जानकार बनाउँदै नेपाल र नेपाली प्रति माया, सद्भाव र सहयोगी भावना रहीरहोस् भन्ने उदेश्यले यूथ फोरमले डलर १ कापि र कलम परियोजना अघि ल्याउनु भएको थियो । परियोजनाको उदेश्य अनुरुप कार्यक्रम सफलता पूर्वक सम्पन्न भएको गिरीले बताउनु भएको छ । यो सुरुवात मात्र हो, यस परियोजनाको मर्म, उदेश्यलाई भोलिका दिनमा निरन्तरता दिंदै सबै देशको एनसीसीमा पुर्याउन सके हाम्रो समृद्ध नेपाल निर्माण गर्ने अभियानमा सहयोग पुग्ने बिश्वास लिएको उहाँले बताउनु भायो ।
बितरण कार्यक्रमलाई संबोधन गर्दै संघका अध्यक्ष घलेले यूवा फोरमको यस अभियानले प्रवासमा रहेका यूथहरुमा परिवर्तन ल्याउँदै नेपाल र नेपाली प्रति जिम्मेवार बनाउनेमा बिश्वस्त रहेको बताउँनु भयो । कार्यक्रममा पूर्ब अध्यक्ष लामिछाने, उपाध्यक्ष कार्की, महासचिब पन्त लगायतले आफ्ना बिचार राख्नु भएको थियो ।
यस परियोजनालाई सफल पार्न अष्ट्रेलियाका बिभिन्न सहरहरुमा यूवाहरुका लागि स्प्रिच्यूल, कल्चरल तथा समर क्याम्प गरिएको थियो । उक्त क्याम्प सम्पन्न गर्न गुरु डा. चिन्तामणि योगी, यूवा तथा खेलकूद टास्कफोर्स ओशिनिया संयोजक सुदिप कार्की, आईसीसी सदस्य गणेश केसी, निरज श्रेष्ठ लगायतले बिशेष सहयोग गर्नुभएको थियो ।
भूकम्पले क्षतिग्रस्त बनाएको सिन्धुपाल्चोकको दूर्गम क्षेत्रमा अवस्थित बिद्यालय सम्म ६ घण्टा सम्म हिडेर कार्यक्रम स्थलमा पुगी व्यवस्थापनमा सहयोग गर्दीने भोमा लिम्बू, मिंग्मा तापाङ लागायत पत्रकार, एनआरएनहरु र स्थानिय बासीहरुलाई यूथ फोरमले बिशेष धन्यबाद समेत व्यक्त गरेको छ । Source :NRN







