अष्ट्रेलिया, एनआरएनए अष्ट्रेलिया नारी निकुञ्जले हिन्दू नारीहरूको महत्वपूर्ण पर्वतीजको अवसरमा सिड्नीमा विशेष सांगीतिक साँझ आयोजना गर्न लागेको छ । महिला मञ्च समेत रहेको नारी निकुञ्जले महिलाहरूबीच आपसी सद्भाव कायम गर्न कार्यक्रम आयोजना गर्न लागेको बताइएको 
छ ।
‘तीजमा नेपाली महिलाहरू एकै ठाउँमा भेला भई वर्षभरीको सुख–दुःख गीतसंगीतको माध्यमबाट एकअर्कासँग साटासाट गर्न कार्यक्रम महत्वपूर्ण हुने विश्वास लिएका छौँ,नारी निकुञ्जकी सचिव प्रतिज्ञा अधिकारीले असनेपालन्यूजसँग भन्नु भयो ‘ यस पटक तीजबाट उठेको रकम भूकम्प पीडितहरुलाई सहयोगका लागि खर्चन्छौँ ।’
यसका अतिरिक्त नारी निकुञ्जले नियमित रूपमा सञ्चालन गर्दै आएको पाठेघर खस्ने समस्या भएका महिलाको उपचारका लागि पनि निरन्तरता दिने जनाएको छ । कार्यक्रम आगामी शनिबार २२ अगष्टका दिन सिड्नीको ग्रानभिलस्थित ब्लाउजा कम्युनिटी हलमा हुनेछ । कार्यक्रमको सबै टिकट बिक्री भइसकेको पनि आयोजकले जानकारी दिएको छ । कार्यक्रममा विविध खानाका परिकारहरु समेत हुनेछन् । त्यस्तै तीजका गीतमा नृत्य प्रतियोगिता, लक्की ड्र लगायतका कार्यक्रम पनि समावेश छन् ।तीजको आगमन सँगै समुदायका विभिन्न संघ संस्था र चिने जानेका नेपालीहरू विच आपसमा दर खुवाउन निम्ता साटासाटको कार्यक्रम पनि अघि बढेको छ ।
नारी निकुन्जका विगतका केही सम्झनाहरू ! :
