मंसिर २१ ।अन्तर्राष्ट्रिय आतंकवादी संगठन ‘अलकायदा’ सम्बद्ध व्यक्तिले नेपालमा बसेर आतंकवादी आक्रमण योजना बनाइरहेको भन्दै प्रहरीले काठमाण्डौबाट विदेशीसहित २० जनालाई प्रहरीले पक्राउ गरेको छ ।
‘अलकायदा’ सम्बद्ध व्यक्तिले धर्मको आवरणमा नेपालमा बसेर आतंकवादी आक्रमण योजना बनाइरहेको सूचनाका आधारमा सुरक्षा निकायले काठमाडौं उपत्यकाबाट उनीहरुलाई पक्राउ गरेको हो ।
महानगरीय प्रहरी आयुक्त कार्यालयका प्रमुख एआइजीले विज्ञानराज शर्माले आपराधिक गतिविधि बुनिरहेको सूचनाका आधारमा उनीहरुलाई पक्राउ गरिएको जानकारी दिनु भयो ।
शुक्रबार प्रहरीको विशेष अप्रेसनमा पक्राउ पर्नेमा १२ भारतीय, ५ पाकिस्तानी र २ नेपाली छन् । आतंकवाद र अन्तरदेशीय अपराध हेर्ने प्रहरीको विशेष ब्युरो र महानगरीय प्रहरी अपराध महाशाखाले शुक्रबार दिउँसोबाट राति अबेरसम्म विशेष अप्रेसन सञ्चालन गरी काठमाडौंका विभिन्न स्थानबाट उनीहरुलाई नियन्त्रणमा लिएको हो ।
विश्वस्त श्रोतका अनुसार उनीहरु ‘कल्की अवतार फाउन्डेसन’ नामक संस्थाको आडमा नेपालमा बसेर योजना बनाइरहेको सूचना प्रहरीमा पुगेको थियो ।
