बैतडी, २० साउन । जंगली वंदेलले पाक्न लागेको मकै खाएर बैतडीका किसान न्वालीका किसानहरुलाई हैरान पारेको छ ।
पत्थरगढी जंगलबाट समूहमा आउने वदेलहरुले बर्ष दिन सम्मको खाध्यान बाली मकै सखाप पारेकोले स्थानीय वासिन्दाहरुले चिन्तामा डुबेका छन ।
घोगा लाग्ने समयमा खेतमा लगाएका मकै वदेलको आहारा हुनथालेपछि न्वाली ८ नाकाली र दसुरालीका किसानहरु निकै चिन्तित भएका स्थानीय रमेश लुहारले जानकारी दिनुभयो ।
रातदिन बँदेल धपाउन खटिए पनि यसलाई नियन्त्रण गर्न नसकेको उहाँले जानकारी दिनुभयो ।
आफूले पनि ३ रोपनी जति जमिनमा मकै लगाएको भए पनि सबै बोट भाँचेर वदेलले सखाप पारेको रमेश लुहारको भनाई छ ।
वर्षभरी खान पुग्ने भएकाले न्वालीका किसान मकै वालीमै निर्भर छन् ।
