साउन ७ । गौशाला,जिल्ला ट्राफिक कार्यालय महोत्तरीले आर्थिक वर्ष २०७०\७१ मा रु ३९ लाख राजस्व सङ्कलन गरेको छ ।
ट्राफिक कार्यालयले जिल्लाको बर्दिवासस्थित मुख्य कार्यालय, सदरमुकाम जलेश्वरस्थित ट्राफिक कार्यालय र विभिन्न ठाउँमा गरिएको सवारी जाँचबाट कुल रु ३९ लाख ४० हजार ५० राजस्व सङ्कलन गरेको जिल्ला प्रहरी कार्यालयले जनाएको छ ।
ट्राफिक प्रहरीले १४ हजार १३१ सवारीसाधनलाई जरिवाना गरेर रु ३८ लाख ५१ हजार ५० असुली गरेको छ भने लागु औषध सेवन गरी सवारी चलाउने ८९ जनाबाट जरिवाना स्वरुप रु ८९ हजार राजस्व सङ्कलन गरेको प्रहरी उपरीक्षक रामप्रसाद श्रेष्ठले बताउनुभयो ।
गतवर्षको तुलनामा यस वर्ष रु १५ लाख ४० हजार २५० बढी राजस्व सङ्कलन गर्न सफल भएको जिल्ला ट्राफिक कार्यालयले जनाएको छ ।
