साउन १ । हेटौँडा,हेटौँडामा बसको ठक्करबाट आज मोटरसाइकल चालकको मृत्यु भएको छ भने अर्का एक जना घाइते भएका छन् ।
राजविराजवाट काठमाडौँ जाँदै गरेको ना ५ ख १२६८ नम्बरको रात्रिबसले लु १८ प ७१८८ नम्बरको मोटरसाइललाई विहान बसामाडीमा ठक्कर दिँदा मोटरसाइकल चालक भारत भई भैरहवामा बस्दै आएका उदयकुमार चौधरीको घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ ।
बसको ठक्करबाट गम्भीर घाइते भएका सोनु सिंहको हेटौँडा अस्पतालमा उपचार भइरहेको प्रहरीले जनाएको छ ।
ठक्कर दिने बस र चालकलाई प्रहरीले नियन्त्रणमा लिएको छ ।
