असार २९ । काठमाडौ,पाँचवटा रेडियोथेरापी चिकित्सापछि प्रधानमन्त्री सुशील कोइरालाको फोक्सोमा देखिएको सेतो दाग निकै घटेको छ ।
आठ दिन लगाएर गरिएका रेडियोथेरापी चिकित्सापछि एक्स-रे रिपोर्टमा फोक्सोको सेतो दाग निकै घटेको पाइएको हो ।
प्रधानमन्त्रीसँगै रहेका डा.कविरनाथ योगीका अनुसार प्रधानमन्त्री कोइराला फोक्सोको क्यान्सरबाट मुक्त हुनुभएको जानकारी दिनु भयो ।
उपचार सिद्धिएपनि इन्फेक्सनबाट बचाउन प्रधानमन्त्रीलाई कम्तीमा एक साता न्युयोर्कमै राखिनेछ ।
दौडधुप, भेटघाट एवं व्यस्तताले काठमाडौंमा इन्फेक्सन हुने डरले केहीदिन अमेरिकामा आराम गरेर स्वदेश फिर्ता हुने तयारी छ ।
रेडियोथेरापीपछि प्रधानमन्त्रीको खोकी निकै घटेको, ज्वरो र श्वासप्रश्वासको समस्या पनि नदेखिएको चिकित्सक योगिले जानकारी दिए ।
