मुस्ताङमा टिप्पर दुर्घटना मृत्यु हुनेको संख्या १८ पुग्यो,उद्दारका लागि हेलिकप्टर घटनास्थलमा

काठमाडौं । मुस्ताङमा टिप्पर दुर्घटना मृतको संख्या १८ पुगेको छ । जिल्ला प्रहरी कार्यालय मुस्ताङका अनुसार सडक निर्माणमा काम गर्ने मजदुर बोकेको बा२ख २२१९ नम्बरको ट्रिपर दुर्घटना भएको हो ।दुर्घटनामा १२ पुरुष र ६ महिलाको मृत्यु भएको प्रहरी हवल्दार कृष्णगोपाल परियारले बताए । उनका अनुसार १५ जना घाइते भएका छन् । घाइतेमध्ये ५ जनालाई उपचारका लागि अस्पताल लगिएको छ ।

मुस्ताङका प्रमुख जिल्ला अधिकारी शिशिर पौडेलले बेनी-जोमसोम-कोरला सडकखण्डको दामोदरकुण्ड गाउँपालिका–३, स्याङ्बोचेस्थित सरा‌ङमा कालीगण्डकी करिडोर सडकमा काम गर्ने मजदुर चढेको टिप्पर सडकबाट खसेको हो । खाना खाएर कामममा फर्कने क्रममा मजदुरहरु सवार टिप्पर दुर्घटनामा परेको हो । गम्भीर घाइतेको उद्दारका लागि हेलिकप्टर घटनास्थल पुगेको छ ।

सम्बन्धित शिर्षकहरु