सिलवाल पक्रन गएको प्रहरी टोली रित्तो हात फर्कियो

काठमाडौँ ।  प्रहरीको फरार सूचीमा रहेका प्रहरीका पूर्वडीआइजी एवं ललितपुर क्षेत्र नम्बर ३ का प्रतिनिधिसभा सांसद नवराज सिलवाललाई पक्राउ गर्न पुगेका प्रहरी टोली रित्तो हात फर्किएको छ । आइतबार बिहान महानगरीय प्रहरी परिसर ललितपुरका डीएसपी नकुल पोखरेल, ४ प्रहरी निरीक्षकसहितको १ सय ५० जनाको जम्बो टोली भट्टेडाँडा पुगेका थियो ।

प्रहरी मुख्यालयबाट बिहान ४ बजे भट्टेडाँडा खटिएको टोलीले सिलवाललाई सो क्षेत्रमा ४ घण्टा खोजेको थियो । फेला पार्न नसकेपछि बिहान ९ बजे रित्तोहात फर्कियो । सिलवाल ललितपुरको दक्षिणी भेगमा रहेको आशंकामा प्रहरीको केन्द्रीय अनुसन्धान ब्युरो (सिआईबी) टोली व्यापकरुपमा परिचालन गरिएको बताइएको छ ।

टोलीले आइतबार दिनभरजसो विभिन्न क्षेत्रमा सर्च गरेको  छ । प्रहरीको विशेष सुकराकीको आधारमा महानगरीय प्रहरी परिसर ललितपुरको सहयोगमा महाराजगन्ज गणको प्रहरी टोली भट्टेडाँडा पुगेको थियो । अाजको नेपाल समाचारपत्र दैनिकले खबर छापेको छ ।

सम्बन्धित शिर्षकहरु