सभासद्हरु आफ्नै परम्परागत पहिरनमा संविधान घोषणास्थलमा सहभागी

काठमाडौँ, संविधान घोषणाको तयारी भइरहेको बेला संविधानसभाका सभासद्हरु आ–आफ्नै परम्परागत पोशाकमा संविधासभा भवन परिसरमा उपस्थित भएका छन् ।

राष्ट्रपति डा रामवरण यादवले आज साँझ ‘नेपालको संविधान, २०७२ नेपाली जनतामा लागू भएको’ घोषणा गर्नेछन् ।

संस्कृत, पर्यटन तथा नागरिक उड्डयनमन्त्री कृपासुर शेर्पा शेर्पा पोशाकमा उपस्थित भएका छन्। यस्तै, गुरुङ तथा मगर समुदायबाट संविधानसभामा प्रतिनिधित्व गर्ने सभासद् पनि आफ्नै परम्परागत पोशाकमा सहभागी भएका छन्।

नेपालको आफ्नै विशेषता र जातीय पहिचानलाई झल्को दिने गरी सभासद् उपस्थित भएपपछि भवन परिसरको माहोलमा बेग्लै रौनक छाएको छ । एकीकृत नेकपा माओवादीका तर्फबाट संविधानसभा सदस्य रुपा महर्जन नेवारी पोशाकमा संविधान घोषणा समारोहमा सहभागी भएकी छिन् ।

सभासद्हरु आपूm–आफूमा बधाई साटासाट गर्न व्यस्त छन् । संविधानसभा भवन नजिकै रहेको नयाँ बानेश्वर चोकमा सयौको सङ्ख्यामा उपस्थित भएका नागरिकले संविधान घोषणा सभामा सहभागी हुन आउने सभासद् तथा विशिष्ट पाहुनाको स्वागत गरिरहेका छन् ।