रोम,गैरकानूनी रुपमा युरोपतर्फ मानव तस्कर गरिएका व्यक्तिहरु चढेका एक डुङगा शनिबार लिबियानजिकै एक समुद्रमा डुब्दा करिब सात सय व्यक्ति मारिएका आशङ्का गरिएको संयुक्त राष्ट्र सङघीयउच्च शरणार्थी आयोगले जानकारी दिएको छ ।
सो आयोगका प्रवक्ता कार्लोट्टो सामीले इटालीको स्काईटिजी २४ समाचार प्रसारण टिभी च्यानललाई आइतबार जानकारी दिएको छ ।
सो आयोगका अनुसार सो दुर्घटनाबाट २८ व्यक्तिलाई मात्र जीवितै उद्धार गरिएको छ । उद्धार गरिएका ती व्यक्तिहरुका अनुसार सो डुङ्गामा ७०० भन्दा बढी व्यक्ति सवार रहेका थिए ।
यद्यपि माल्टा नौसेनाका अनुसार शनिवार मध्यरातमा भएको सो दुर्घटनाको समयमा ६५० व्यक्ति सवार रहेका थिए । सो डुङ्गा दुर्घटना लिबियाको तटिय क्षेत्रदेखि ९६ किलोमिटर टाढा र इटालीको लवाम्पेडुसा द्विपदेखि १९३ किलोमिटर दक्षिणमा रहेका जनाइएको छ ।
यस दुर्घटना दुईवटा डुङ्गा दुर्घटनाबाट ४५० व्यक्तिको मृत्यु भएको एक हप्तापछाडी भएको जनाइएको छ । एक हप्ता अगाडि भएको दुई दुर्घटनामा युरोपतर्फ गईरहेका सयौं व्यक्तिलाई इटालीको तटीय क्षेत्रमा उद्धार गरिएको थियो ।
यस वर्षको सुरुदेखि हालसम्म लिबिया र इटालीकोबीचमा भएका डुङ्गा दुर्घटनामा परी करिब एकहजार ५०० व्यक्तिको मृत्यु भइसकेको बताइएको छ ।
हिजो भएको दुर्घटना हालसम्मकै सबभन्दा ठूलो मध्यपूर्वको दुर्घटना भएको जनाइएको छ । एएफपी
