चैत २७ ।काठमाडौ,पुर्व राजा ज्ञानेन्द्र शाह आज भारतको दिल्ली जाँदै हुनुहुन्छ ।पूर्व रानी कोमलको स्वास्थ्य उपचारका लागि भन्दै पूर्व राजा ज्ञानेन्द्र दिल्ली जान लाग्नुभएको हो ।आज २ बजे इण्डियन एयरलाइन्सको विमानबाट भारतको राजधानी नयाँ दिल्ली जाने कार्यक्रम तय भएको स्रोतले जनाएको छ । स्वास्थ्य उपचार भएपनि उहाँले दिल्लीमा रहँदा राजनीतिक भेटघाट पनि गर्नुहुनेछ ।निजी भ्रमण भनिएपनि नयाँ बन्ने संविधानमा नेपाललाई हिन्दुराज्य बनाउनुपर्ने माग गर्दै राप्रपा नेपाल र नेपाली कांग्रेसका नेता खुमबहादुर खड्काको समूहले आन्दोलन चर्काउन खोजिरहेको अवस्थामा उहाको भारत भ्रमणलाई अर्थपूर्ण मानिएको छ ।
भेटघाटको वाताबरण मिलाउन पूर्व युवराज्ञी हिमानी यसअघि नै दिल्ली गइसक्नु भएको छ । लामो समय थाइल्याण्डमा बसेर नेपाल फर्किएका युवराज पारशसँग नभेटी पूर्व राजा ज्ञानेन्द्र भारत जान लाग्नुभएको हो ।
भारतमा एकहप्ता बसेर फर्किने पूर्व राजदरबारका सदस्यसचिव डा फणिराज पाठकले जानकारी दिनुभयो ।
