मंसिर १५ ।आज विश्व एड्स दिवस नेपालमा पनि विभिध कार्यक्रम गरी यो दिवस मनाइँदैछ ।
‘शुन्य नयाँ संक्रमण, शुन्य एड्स मृत्यु र शुन्य भेदभाव’ भन्ने नाराका साथ विभिन्न स्वास्थ्य संघ सस्थाले यो दिवस मनाइरहेका छन ।
सन् १९८८ देखि हरेक वर्ष डिसेम्बर १ मा विश्व एड्स दिवस मनाउन थालिएको हो ।
नेपालमा अहिले करिब ४० हजार जनामा एचआईभी संक्रमण रहेको राष्ट्रिय एचआईभी/एड्स तथा यौनरोग नियन्त्रण केन्द्रको तथ्यांक छ ।
ती मध्ये करिब २५ हजार संक्रमितहरु केन्द्रको नियमित सम्पर्कमा रहेको जनाइएको छ ।
केन्द्रसँग सम्पर्क आउने संक्रमितको संख्या गएको वर्षभन्दा कम भएको जनाइएको छ ।
उमेर समूहमा सबैभन्दा बढी १५ देखि ४९ वर्षका संक्रमित बढी अर्थात ३४ हजार भएको तथ्यांक छ । एचआईभी संक्रमण रोक्न तथा संक्रमितका लागि सरकारले जनचेतनामूलक तथा सेवामूलक कार्यक्रमहरु गरिरहेको छ ।
तर केन्द्रका अनुसार गएको वर्ष फेला परेका नयाँ संक्रमित मध्ये ८७ प्रतिशत असुरक्षित यौनसम्पर्ककै कारण भएको जनाएको छ ।
