भेरी नदीमा वेपत्ता थप १३ वटा शव निकालियो

मंसिर ७ ।काठमाडौ,बिहीबार भेरी नदीमा बेपत्ता भएको यात्रुबाहक बसबाट आज १३ वटा शव निकालिएको छ ।निकालिएका शव मध्ये तीन जनाको मात्र सनाखत भएको छ ।

कर्णाली चिसापानी,पोखराबाट आएको गोताखोरको टिमले पानीभित्र रहेको बसबाट १३ वटा शव निकालेको हो ।

सनाखत हुनेहरुमा जाजरकोटका चुके महतारा, तुलसी थापा र बांके नौवस्ताका सपना सुनार रहेका छन् ।

अहिलेसम्म २० जना यात्रुको शव निकालिएको प्रहरीले जनाएको छ ।

यसअघि दुर्घटना भएको दिन पाँच जना र शनिबार दुई जनाको शव निकालिएको थियो ।

बिहीबार जाजरकोटबाट सुर्खेतको राकमको लागि गएको यात्रुबाहक बस बिहान ७ वजे भुर गाविसको वडा नं ७ भुरचौरमा दुर्घटना गरेको थियो ।

अझै पनि कैयन यात्रुहरु नदीमै हराइरहेका छन् । नदीमा डुबेको बस निकाल्नका लागि डोरीले तान्नेकाम भइरहेको छ ।

यसअघि हिजो दुईवटा शव निकालिएको थियो भने दुर्घटना लगत्तै पाँच जनाको शव फेला परेको थियो ।

उद्धारमा नेपाली सेना, सशस्त्र प्रहरी, प्रहरी, स्थानीय बासिन्दा, राजनीतिक दल, जाजरकोट क्षेत्र नं १ का सभासद् शक्तिबहादुर बस्नेतलगाएत खटिएका छन् ।

सम्बन्धित शिर्षकहरु