त्रिचन्द्र क्याम्पसको बि पी पुस्तकालयमा आगजनी: ४ हजार पुस्तक जलेर नष्ट

साउन ४, काठमाडौँ- काठमाडौंको घण्टाघरस्थित त्रिचन्द्र क्याम्पसमा रहेको वीपी पुस्तकालयमा विद्यार्थीको एक समूहले आइतबार दिउँसो आगजनी गरेको छ । आगजनीबाट पुस्तकालायाका ४ हजारभन्दा बढी पुस्तक जलेर नष्ट भएका छन् ।

आइतबार दिउँसो अनेरास्ववियूका नेता प्रेम केसीमाथि खुकुरी प्रहार भएपछी त्रिचन्द्र क्याम्पसमा झडप शुरु भएको थियो । एमालेसम्वद्ध अखिलका केसीलाई नेवि संघ समर्थित कार्यकर्ताले खुकुरी हानेको आरोप अखिलले लगाएको छ।खुकुरी प्रहारबाट घाइते भएका केसीको मोडल अस्पातालमा उपचार भइरहेको छ।

अखिलले स्ववियु र पुस्तकालयमा आगजनि गरेको आरोप  नेविसंघले लगाएको छ । तर अखिलले उल्टै नेविसंघ लाइ आगजनीको दोषी भएको आरोप लगाएको छ । प्रहरीले आगलागी नियन्त्रणमा लिएर क्याम्पसलाई सुरक्षाघेरामा राखेको छ।