
काठमाडौं । सरकारले तीन देशका लागि राजदूत सिफारिस गरेको छ । लामो समयदेखि खाली रहेको भारतको लागि राजदूतमा पूर्वमन्त्री एवं संविधानविद् नीलाम्बर आचार्य सिफारिसमा परेका छन् ।
यसअघि भारतका लागि राजदूतमा मन्त्रिपरिषद्ले पूर्वप्रमुख निर्वाचन आयुक्त नीलकण्ठ उप्रेतीलाई नियुक्तिको सिफारिस गरेकोमा संवैधानिक निकायको प्रमुख भइसकेको व्यक्ति नियुक्त गर्न नमिल्ने संवैधानिक व्यवस्थाका कारण उनको नियुक्ति स्थगन गरिएको थियो ।
मन्त्रिपरिषद् बैठकले मलेसियाका लागि उदयराज पाण्डे र यूएईका लागि कृष्णप्रसाद ढकाललाई राजदूत सिफरिस गरेको छ ।
यद्यपि मन्त्रिपरिषद्को निर्णय औपचारिक भने आएको छैन् ।








