
काठमाडौं । ३८ क्विन्टल सुन तस्करी र सनम शाक्य हत्या प्रकरणका मुख्य अभियुक्त चूडामणि उप्रेती गोरेको बयान विहीबार पनि जारी रहने भएको छ ।
जिल्ला अदालत मोरंगमा बुधबारबाट सुरु गरिएको जारी बयान नसकिएपछि विहीबार उनको बयानले निरन्तरता पाउने भएको हो । अदालत स्रोतका अनुसार पहिलो दिन गोरेलाई बयानका क्रममा अभियोग पत्र र पृष्ठभूमिबारे जानकारी गराईएको थियो ।
बयानका क्रममा कम जवाफ फर्काएका गोरेसँग घटनाबारे सिन्धुलीसम्मको कुरा भएको बताईएको छ। बयानको क्रममा गोरेले जीवनरक्षाको माग गरेका छन् । उनले आफ्नो जीवन असुरक्षित भएको भन्दै जीवनरक्षाको माग गरेका हुन् ।








