
काठमाडौँ । नियमित स्वास्थ्य परीक्षणका क्रममा थाइल्याण्डको बैककमा पुगेका एमाले अध्यक्ष केपी शर्मा ओलीको स्वास्थ्य अवस्था राम्रो भएको पाइएको छ । अध्यक्ष ओली स्वास्थ्य परीक्षणका क्रममा अहिले बैककको वुमरुमगाड अस्पतालमा स्वास्थ्य परीक्षण गराइरहेका छन् ।
निर्वाचनको दौडधुपका कारण चिकित्सकको सल्लाहअनुसार उनी पुस २६ गते स्वास्थ्य परीक्षण गराउन धर्मपत्नी राधिका शाक्यसहित चिकित्सक विद्यासिंह साह र यादव भट्टको साथमा बैंकक गएका हुन् । अध्यक्ष ओली आगामी बुधबार स्वदेश फर्कने उनका स्वकीय सचिवले बताएका छन् ।








