सिड्नी, एनआरएनए अष्ट्रेलियाको निर्वाचन कार्यक्रम अन्र्तगत मतदान सकिएको छ । केही बेर अघि मतदान सकिएको हो । पाँच वटा स्टेटमा साँझ ६ बजेनै मतदान सकिएको भए पनि ग्रानभिलमा भने साँझ आठ बजे मात्रै सकिएको थियो । निर्वाचन अधिकारीहरूका अनुसार ग्रानभिलमा दुई हजार एक सय ५० मत खसेको छ । त्यहाँ कुल मददाता संख्या तीन हजार तीन सय ६३ थियो । त्यसै गरी तीन सय ८३ मतदाता भएको एडेलेडमा तीन सय ३३ मत खसेको छ ।
यता पाँचसय ७७ मतदाता रहेको मेलबर्नमा तीन सय सत्तरी मत खसेको निर्वाचन समितिले बताएको छ ।
मतदान सकिएपछि केही औपचारिक प्रक्रिया पुरा गरी मतगणना सुरू भएको छ । मतदानको अन्तिम परिणाम केही बेरमा प्रकाशित हुनेछ ।
