मिस इन्डियाको पहिरन नेपाली ढाकाको कपडा !

भदौ ८, काटमाडौं– आधुनिकता र फेसनेबल हुने नाममा हामी नेपालीहरु हाम्रो ढाका टोपी र ढाकाका अन्य कपडा प्रयोगमा ल्याउन बिस्तारै छोडिसकेका छौ । तर हाम्रो ढाकाको कपडा भने बहुचर्चित फेसन सो हरुमा चर्चित व्यक्तिहरुले अन्तरास्ट्रिय मंचहरुमा लागाउने गरेका छन् ।

नेपाली ढाका बाट बनेको पहिरनमा मिस इन्डिया
नेपाली ढाका बाट बनेको पहिरनमा मिस इन्डिया २०१३ रूहानी शर्मा

हालै इन्डोनेसियाको सुराबायामा सम्पन्न एशियन फेशन वीक २०१४ मा पनि मिस इन्डिया हाम्रो ढाकाबाट बनेको कपडामा देखा परिन ।  नेपाली फेशन डिजाइनर मदन पौडेलले डिजाइन गरेका नेपाली ढाका कपडाबाट तयार गरिएको पहिरनमा मिस इन्डिया २०१३ रूहानी शर्मा –याम्पमा उत्रिएकि हुन् । फेशन सप्ताहमा क्याजुअल ड्रेस १० वटा, कल्चरल ड्रस ५ वटा , इको फ्रेंडली ५ वटा , मास्टर पीस एउटा , एभन्ट गार्ड एउटा र हब्ट कटयर एउटा प्रदर्शन गरिएको थियो । स्थानीय मोडेलहरुले पनि ती पहिरन लगाएर –याम्प क्याट वाक गरेका थिए ।

फेशन वीकमा नेपालका साथै एसियाका ५८ देशहरुको सहभागिता रहेको थियो । नेपाली इतिहासमा नै पहिलो पटक अन्तरास्ट्रिय स्तरको कार्यक्रममा नेपाली पहिरन समेत लगाउने गरि सहभागिता जनाईएको हो । आगामी वर्ष देखी पाँच जना नेपाली फेशन डिज़ाइनरहरुलाई एशियन फेशन वीक मा सहभागिता जनाउने अवसर उपलब्ध गराउने नेपाल फेशन महासंघका अध्यक्ष नबिन लुइँटेलले बताउनु भयो । 

सम्बन्धित शिर्षकहरु