एनआरएनए निर्वाचन: ४१ पदको लागि ७६ जनाको उम्मेदवारी,को-को भए निर्विरोध ?

काठमाडौं । गैरआवासीय नेपाली संघ एनआरएनए को आगामी कार्यकाल निर्वाचन हुदैछ । संघको ४१ पदमा ७६ जनाको उम्मेदवारी परेको छ। ४२ पदको लागि निर्वाचन गर्न थालिएकोमा एक पदको लागि उम्मेदवारी परेको छ भने बाँकी ४१ पदको लागि ७६ जनाको उम्मेदवारी परेको छ। अध्यक्षमा कुमार पन्त र कुल आचार्यले उम्मेदवारी दिएका छन्। चार उपाध्यक्षको लागि नौ जनाको उम्मेदवारी परेकोमा छ।

जसमा हिक्मतबहादुर थापा, किरणबिक्रिम थापा, अर्जुनकुमार श्रेष्ठ, नरेन्द्रबहादुर भाट, बद्री केसी, मन केसी, धर्मराज अधिकारी, शोनाम लामा र डा। केशव पौडेलको उम्मेदवारी परेको छ भने महिला उपाध्यक्षमा सोपिला राजभण्डारी र रोविना थापाको उम्मेदवारी परेको छ। महासचिवमा जानकी गुरुङ र डा। हेमराज शर्माको उम्मेदवारी परेको छ।

कोको भए निर्विरोध निर्वाचित ?

यस्तै, संघमा निर्विरोध निर्वाचित हुनेमा युरोपबाट क्षेत्रीय युवा संयोजकमा टंककुमार ठाकुर, युरोपबाट नै क्षेत्रीय महिला संयोजक कुमारीयोगीता थापा, क्षेत्रीय युवा संयोजक ओसेनियाबाट जानकी पौडेल, क्षेत्रीय युवा संयोजक मध्यपूर्व बाट राजु रेग्मी निर्वाचित भएका छन्।

त्यस्तै क्षेत्रीय महिला संयोजक मध्यपूर्व सुमित्रादेवी पौडेल, क्षेत्रीय उपसंयोकज मध्यपूर्वबाट राजेन्द्र अर्याल र मनोजकुमार श्रेष्ठ, क्षेत्रीय संयोजक मध्यपूर्वबाट प्रविन गुरुङ, क्षेत्रीय युवा संयोजक अमेरिकाज्बाट विमल सापकोटा, क्षेत्रीय महिला संयोजक अफ्रिकाबाट मनकला विष्ट र क्षेत्रीय संयोजक अफ्रिकाबाट रोशन थापा निर्विरोध निर्वाचित भएका छन् । सम्मवन्धित कोटमा भन्दा धेरै उम्मेदवारी नपरेपछि उनीहरू निर्विरोध निर्वाचित भएका हुन् ।

Comments

comments

सम्बन्धित शिर्षकहरु