बार्सिलोना फेरि अर्को खेलमा पराजित,पछिल्लो २५ वर्षकै खराब सुरुवात

काठमाडौं । स्पेनिस ला लिगामा बार्सिलोना फेरि अर्को खेलमा स्तब्ध बनेको छ । शनिबार राति भएको खेलमा बार्सिलोना ग्रानाडासँग २–० ले पराजित भयो । बार्सिलोनाका लागि यो पछिल्लो २५ वर्षकै खराब सुरुवात हो । ग्राडानाको मैदानमा स्टार खेलाडी लियोनल मेस्सी र अंसु फाटीलाई सुरुवाती ११ मा नराखेको बार्सिलोनाविरुद्ध घरेलु टिमले दोस्रो मिनेटमा गोल गर्न सफल भयो । उसका लागि अजिजले गोल गरे ।
सुरुवातमा नै गोल खाएको बार्सिलोनाले त्यसपछि तीन वटा उत्कृष्ट मौका पाए पनि गोल फर्काउन सकेन र पहिलो हाफमा एक गोलले पछि पर्‍यो ।

दोस्रो हाफमा मेस्सी र फाटीलाई मैदानमा उतारे पनि गोल भने ग्रानाडाले नै गर्‍यो । बार्सिलोनाका अर्टुरो भिडालले डिबक्समा हातले बल छोएपछि पाएको पेनाल्टीलाई अल्भारो भाडिलोले गोल गर्दै टिमलाई २–० को अग्रता दिलाए । बाँकी समयमा बार्सिलोना खेलमा फर्कन सकेन र हारको बाटो देख्यो ।

यसअघि भएको खेलमा एट्लेटिको मड्रिडले पेनाल्टीको सदुपयोग गर्न नसक्दा सेल्टा भिगोसँग गोलरहित बराबरी खेलेको थियो । बार्सिलोनालाई स्तब्ध बनाएको ग्रानाडा सबैलाई चकित पार्दै लिगको शीर्ष स्थानमा उक्लिएको छ । बार्सिलोना लिगको सातौं स्थानमा रहेको छ ।

शनिबार रातिका खेलको परिणाम
भिल्लारियल २–० रियाल भल्लाडोलिड
लेभान्ते ०–० आइबर
एथलेटिको मड्रिड ०–० सेल्टाभिगो

अंक तालिका
ग्रानाडा, सेभिया र एथलेटिको मड्रिड समान १०–१० अंकबाट शीर्ष तीन स्थानमा रहेका छन् । भिल्लारियल, रियाल मड्रिड र एथलेटिक बिलबाओको समान ८–८ अंक रहेको छ । बार्सिलोना, लेभान्ते, ओसासुना र रियाल सोसिडाडको समान ७–७ अंक रहेको छ ।

Comments

comments

सम्बन्धित शिर्षकहरु