‘छुटेका अनुहार’ लाई पद्मश्री साहित्य,महेशराज पन्तलाई पद्मश्री साधना सम्मान

काठमाडौं । निबन्धकार रमेश सायनको संस्मरण ‘छुटेका अनुहार’ लाई वर्ष २०७५ को पद्मश्री पुरस्कार अर्पण गरिने भएको छ । खेमलाल हरिकला लामिछाने समाज कल्याण प्रतिष्ठान, चितवनले एक प्रेस विज्ञप्ति जारी गर्दै सो संस्मरणलाई पुरस्कार दिने जनाएको हो ।

त्यस्तै यस वर्षको पद्मश्री साधना सम्मान पाँच दशकदेखि नेपाली इतिहास र संस्कृतिलाई लिपिवद्ध तथा जगेर्ना गर्दै आएका पूराविद्, इतिहासविद् तथा संस्कृतज्ञ डा. महेशराज पन्तलाई अर्पण गरिएको प्रतिष्ठानले जनाएको छ ।

पद्मश्री साहित्य पुरस्कार र पद्मश्री साधना सम्मानको राशी रुपैयाँ २–२ लाख रहेको छ । खेमलाल हरिकला छामिछाने प्रतिष्ठानले वर्षभरि नेपाली साहित्यका प्रकाशन भएका पुस्तकमध्ये कुनै एक पुस्तकलाई उत्कृष्ट मान्दै पद्मश्री साहित्य पुरस्कारले सम्मान गर्ने गर्छ ।

वि.सं. २०६३ सालदेखि अर्पण गरिँदै आएको यो सम्मान गत वर्ष साहित्यकार नयनराज पाण्डेको संस्मरण ‘यार’ लाई प्रदान गरिएको थियो भने डा. तारानाथ शर्मालाई पद्मश्री साधना सम्मानबाट सम्मान गरेको थियो । दुवै सम्मान तथा पुरस्कार कोजाग्रत पूर्णिमाको दिन अर्पण गरिने जनाइएको छ ।

Comments

comments

सम्बन्धित शिर्षकहरु