पुडासैनी आत्महत्या प्रकरणः न्यूज २४ टेलिभिजनको ल्यान्डलाइनबाट अस्मितासँग बारम्वार फोन

काठमाडौ । पत्रकार शालिकराम पुडासैनीले जागिर छोडेपछि पनि न्यूज २४ को कार्यालयबाट शंकाको घेरामा रहेकी रुकु भनेर चिनिने अस्मिता कार्कीसँग बारम्वार टेलिफोन सम्वाद भएको तथ्य खुलेको छ । पुडासैनीकी गर्ल फ्रेण्डको उपमा पाएकी अस्मितासँग न्यूज २४ को लेण्ड नम्वरबाट कसले बारम्वार फोन गरयो ? त्यो एकिन नभएपनि टेलिभिजनको कार्यालयबाट बारम्वार फोन भएको कल डिटेलबाट रहस्य खुलेको छ । अस्मितालाई प्रयोग गरी आफुलाई सिधाकुरा जनतासँग कार्यक्रममा युवराज कँडेलले फसाउँन खोजेको पुनासैनीले डिभियो रेकर्डमा पनि चर्चा गरेका छन् ।

तर सञ्चारकर्मी रवी लामिछानेको मोवाइलबाट अस्मिताको कुनै पनि कुराकानी भएको छैन । टेलिभिजनको ल्याण्डलाइनबाट भने पुडासैनीले छोडेपछि बारम्वार टेलिफोन भएको छ । -शालिकरामले न्युज २४ छोडिसकेको अवस्थामा समेत यसरी सम्पर्क हुँदा बढीमा ५ मिनेटसम्म कुराकानी गरेको भेटिएको छ’, अनुसन्धान खट्टिएका एक प्रहरी अधिकृतले भने, को सँग कुरा भयो त्यो भने हामी खोजिरहेका छौ । पुडासैनीले ‘सिधाकुरा जनतासँग’ छोडेर माउन्टेन टेलिभिजन गइसकेपछि पटक–पटक सम्पर्क देखिएको विषयलाई अनुसन्धान अधिकारीहरुले अर्थपूर्ण रुपमा लिएका छन्।

उता रवी लामिछानेलले सरकारी वकिलको रोहवरमा प्रहरीलाई बयान दिएका छन् । बयानमा रिकु भनिने अस्मिलासँग आफ्नो चिनजान नभएको बताएका छन् भने प्रहरीले सोधेका अधिकाँस प्रश्नको इन्कारी जवाफ दिएका छन् । रविको बयान सकिएपछि प्रहरीले आइतवार मुद्दा सरकारी वकिलको कार्यालयमा पुरयाउने तयारी गरेको छ ।

Comments

comments

सम्बन्धित शिर्षकहरु