छुवाछूत अन्त्यका लागि एक हजार ३२१ किलोमिटरको ४५ दिने ‘नेपाल पदयात्रा’

पप्पु गुरुङ्ग,दोधारा । माहाकाली नगरपालिकाबाट दलित र गैरदलित युवाहरुले माहाकाली–मेची पदयात्रा आज देखी सुभारम्भ गरेका छन् । माहाकाली नगरपालिकाको वडा नं. ४, महाकाली झोलुङ्गे पुलबाट माहाकाली नगरपालिकाका मेयर बिर बहादुर सुनार, उपमेयर चिनी ओझा गिरी, माहाकाली नगरपालिका वडा नं. ६ का वडा अध्यक्ष तथा नगर प्रबक्ता दिल बहादुर सिजाली, वडा नं. ३ का वडा अध्यक्ष पुष्कर जोशी, अधिकारकर्मी अमिर तिरुवा, नेपाल बिद्यार्थी संग माहाकाली नगर संयोजक तथा नेबि संघ आरआर क्याम्पसका अध्यक्ष अशोक बिष्ट, अनेरास्ववियुका जिल्ला अध्यक्ष ओंम बस्नेत, नेपाली काग्रेंस माहाकाली नगरपालिका वडा नं. २ का वडा सचिव देबेन्द्र सिंह नायक लगाएत स्थानियहरुले अबिर, फुलमाला तथा दोसल्ला ओढाएर ‘नेपाल पदयात्रा– २०७५’ का अभियन्ता होम बहादुर आचार्य, अशोक दर्नाल, रिता परियारलाई स्वागत तथा जातिय छुवाछुतको अन्त्यको सन्देश छर्न माहाकाली देखी मेची सम्मको माहान अभियानको सफलताको कामना गरेका छन् ।

नेपाल पदयात्रा २०१९ ले देशका प्रत्येक कुना कुनाबाट छुवाछुत सदाको लागी अन्त्य गर्न ब्यक्ती र छिमेकीहरुलाई उत्प्रेरित गर्ने उद्धेश्यले आज माहाकाली नगरपालिकाबाट मेची सम्मको पद यात्रा सुभारम्भ गरिएको छ् ।

माहाकाली नगरपालिकाका मेयर बिर बहादुर सुनारले दलित र गैरदलित युवाहरुले छुवाछुत बिरुद्ध थालेको माहान अभियानको सफलताको कामना गर्दै माहाकाली नगरपालिका देखी मेची सम्म सुरु गरिएको ‘नेपाल पदयात्रा– २०७५’ ले जातिय छुवाछुतमा बिश्वमै सकारात्मक संदेश प्रवाह गर्ने बताउदै आफु पनि दलित जातीको भएको कारण बिगतमा दलित भएकै कारण निकै कष्ट उठाउनु परेको बताएका छन् ।

समाजमा जातीय भेदभाव र छुवाछूतका घटनाहरु सार्बजनिक तथा निजि स्थानहरुमा बिभिन्न रुप र मात्रामा घटिरहेको अवस्थामा दलित र गैरदलित युवाहरुको माहाकाली–मेची पदयात्राले सकारात्मक संदेश प्रवाह गर्नेमा आफु ढुक्क भएको मेयर सुनारले बताए । यस्तै माहाकाली नगरपालिकाका उपमेयर चिनी ओझा गिरीले समेत पदयात्री अभियन्ताको माहान अभियानको सफलताको कामना समेत गरेका थिए । जातीय छुवाछुतको व्यवहारिक अन्त्यका लागि अभियन्ता होम बहादुर आचार्य, अशोक दर्नाल, रिता परियारले मेची–महाकाली पैदल यात्राको घोषणा गरेका थिए ।

आज माहाकाली नगरपालिकाबाट शुरु गर्ने पदयात्रा ४५ दिन भन्दा बढी रहने सामाजिक अभियन्ता तथा पदयात्री होमराज आचार्यले जानकारी दिएका छन् । करिव १ हजार ३ सय २१ किलोमिटर पदयात्रा गर्ने उनीहरुको योजना छ् । उनले कुनै एनजिओ आइएनजिओको लगानीमा नभई नेपालीकै सहयोगमा पदयात्रा संचालन गरेको बताएका छन् ।

होम आचार्यले श्रमिक र दलितको विषयमा आवाज उठाउदै आएका छन् । आठ वर्ष पहिले वासिंगटन डिसीका मेयरका एड्भाईजरीका रुपमा काम गरिसकेका आचार्य ग्लोबल फेयरनेस इनिसियटी कन्ट्री डाइरेक्टर तथा दक्षिण एसियाका सल्लाहकार समेत थिए । पदयात्री अशोक दर्नालले पदयात्राको क्रममा सामान्य नागरिक देखि, स्थानिय प्रमुख, प्रशाशन, विद्यालय, सार्वजनिक स्थानमा पुगेर उनीहरुको कथा सुन्दै जनचेतना जगाउने प्रयास गर्ने बताए ।

लामो समयदेखि पत्रकारिता पेशामा रहेका दर्नाल दलित अनलाईनका सम्पादक पनि हुन् । पदयात्रा सकेपछि अफूले भोगेका र जानेको कुरालाई काठमाडौंमा एक कार्यक्रममा सार्वजनिक गर्ने उनीहरुको भनाई रहेको छ् । ‘हामीले नेपाल पदयात्रा २०१९ मार्फत् देशका प्रत्येक कुनाकुनाबाट छुवाछुत सदाका लागि अन्त्य गर्न व्यक्ति र छिमेकीहरुलाई उत्प्रेरित गर्ने उद्देश्य राखेका छौ । हामीले माहाकाली देखि मेची सम्मको पदयात्रा गर्ने छौं ।

धेरै भन्दा दाजुभाई दिदि बहिनी बुवा आमा र स्थानीय सरोकारवाल संग जातीय विभेद र छुवाछूतको वर्तमान अवस्था र प्रभावबारे छलफल संवाद गदै विभेद र छुवाछूतको व्यवाहरिक अन्त्य स्थानीय तहबाट कसरी गर्न सकिन्छ भन्ने उपायहरुको खोजी गर्ने र व्यवाहरिक रुपमै विभेद र छुवाछूतको अन्त्य गर्न खोजी गरिएका उपायहरुको कार्यान्वयनमा प्रभावकारी रुपमा कसरी गराउन सकिन्छ, जनचेतनामूलक ढंगबाट बहस पैरवी गर्ने हाम्रो उद्देश्य हुने छ् ।’ पदयात्रा अभियानको अपिलमा भनिएको छ् ।

Comments

comments

सम्बन्धित शिर्षकहरु